ХИФУ Мииринэйгэ баар политехническэй института - Саха сирин ыччатын промышленноска сыhыарар чулуу кыhата. Билигин, Мииринэй политхническэй институтун бyтэрбит 1.012 ыччат «АЛРОСА» хампаанньатыгар yлэлиир.
2018 сыл тохсунньутугар, Мииринэй политехническэй институтун, 2009 сыл сэтинньититтэн ыла тутуллар лабораторнай куорпуhа yлэлээн барбыта биир сылын туолар. Дьэ, итинэн сибээстээн, элбэх эрэдээктээх боппуруос дьэ быhаарылынна. МПТИ лабораторнай куорпуhун тутуутун, «АЛРОСА» уонна Саха сирин бырабыытылыстыбата куолаан yбyлээн тутууну тyмyктээтилэр.
Бу хаартыскаларга баар, устудьуоннары промышленность идэлэригэр уhуйар-лабораторнай туох баар тэриэбэ, миэбэл, устуулугар тиийэ, «АЛРОСА» хампаанньа yбyгэр-харчытыгар ылылынна. Итинэн да сэдиптээтэххэ, ыччаппытыгар, промышленность идэлэригэр интэриэс улаата туруо. Урут, yксyн, Бyлyy сyнньyн, Мииринэй уонна Ленскэй ыччаттара МПТИни талар эбит буоллахтарына, билигин хартыына тосту уларыйда. Киин оройуоннар уонна Дьокуускай интэриэстэрэ биллэ улаатта.
Мииринэйдэри кытары сунтаардар ахсааннара - биир. Холобур, МПТИгэ, Сунтаартан 80-ча устудьуон баар. Онно, бу улуус, Мииринэйтэн чугас сытара улахан оруоллаах. Быйыл, Дьокуускайтан уонна кини аттыгар сытар улуустартан ханнык да кэмнэри кытары холоотоххо элбэх устудьуон кэллэ.
Ыраахтан кэлбит устудьуоннарын - барыларын уопсай дьиэнэн хааччыйдылар. МПТИни бyтэрбиттэр «АЛРОСА» АХ тэрилтэлэригэр кэлиилэрэ, урут, кэккэ уустуктардаах буолар этэ. Билигин ол уларыйда. Саха ыччаттара, «АЛРОСА» тэрилтэлэригэр бэркэ yлэлии сылдьаллар.
МПТИны бyтэрбиттэр, Мииринэй уустук эйгэтигэр киирдилэр, оннуларын буллулар. Мииринэйгэ тyптээх, табыгастаах yлэ булар олус уустук дойдута.
Ааспыт сылларга, МПТИ ыччаттарын, алмаас сyрyн производствотыгар(шахталар, карьердар, баабырыкалар), «Якутнипроалмааас» институкка, ПТВСка, «АЛРОСА-Гааска», Бyлyy эспэдьииссийэтигэр ылыталаатылар.
Дьонноро, ыытар харчыларын кичэллээхтик харыстыы, кэмчилии сылдьыбыт устудьуоннар, билигин yчyгэй хамнастаахтар. Сорохтор, дьиэлээх-уоттаах сирдэргэ yлэлээн абыраннылар. МПТИни бyтэрбиттэргэ биири суолу ордук чуолаан хайгыырым диэн – ким да Мииринэйтэн атын сиргэ дьулуспат.
Манна кинилэр аныгы олох сиэригэр эппиэттиир хамнастаахтар, сорохтор «АЛРОСА» чэпчэтиилээх ипотечнай барылынан, кыбартыыра ылыталаатылар. Бэл, отуттарын туола илик ыччаттар, «монолит-каркаас» таас дьиэлэргэ, хайыы-yйэ олороллор.
Маннык далбары, сорохтор уруулара, чугас дьонноро, тyhээбэтэх да буолуохтаахтар. Балачча элбэх саха ыччата, «Якутскэнерго» АХ ЗЭС тэрилтэтигэр yлэлииллэр. Манна МПТИ дипломниктарын тута ылаллар. Сунтаар уонна Ленскэй диэки 220 кВт yрдyкy кyyрyyлээх уот ситимэ тутуллан, Мииринэй да Сунтаар, Ленскэй да подстанцияларыгар, yлэhиттэр олус наада буоллулар. Аны, кэнники сылларга, нефтяниктар да газовиктар да МПТИ устудьуоннарын кытары дуогабар тyhэрситэлиир буоллулар. Ол аата МПТИ сайдыыта бигэ туруктаахтык иhэр эбит диэххэ наада.
Станислав Алексеев. Мииринэй к. Ааптар хаартыскалара
