Клим Николаевичтан бу туhунан ыйыппыппар, «сайабылыанньаны, ким да кyhэйиитэ суох, былырыын суруйбутум. 63 сааспын туоллум. Бэйэм болдьохтоох кэммин yлэлээн бyттyм» диэтэ.
Клим Иванов – сахалартан, алмаас промышленноhыгар сyдy кылааттарын киллэрсибит дьонтон биирдэстэринэн буолар. Сунтаар Элгээйититтэн кииннээх-хааннаах эдэр киhи, Красноярскайга, металлургия институтун туйгуннук бyтэрбитэ.
«Уот-кyyс уонна хайа промышленноhын массыыналара» диэн дипломнаах «Якуталмааска» кэлбитэ. 1981 сылтан 1984 сылга диэри, алмаас байытар №3-дээх баабырыкатыгар силиэсэрдээбитэ. 1984 сылтан 1989 сылга диэри – мэхээнньик. 1989 сылтан 1997 сылга диэри yрдyкy кэрдиис мэхээнньигэ.
Сыыйа yрдээн, №3-дээх баабырыка сyрyннyyр мэхээнньигэ буолбута. 2007 сылаахха, Клим Николаевич №3-дээх баабырыка начальнигынан буолбута.
Клим Иванов, уон сыл устата бу дуоhунаска, суобастаахтык, туох да улахан саахалы таhаарбакка чиэстээхтик салайда.
Yhyс баабырыка, бырайыактаах таhым сиэринэн, сылга, 1 миллиард. АХШ долларыгар сууммалаах бородууксуйаны байытар буола улааппыта («Мир» шахтатыгар саахал иннинэ).
Баабырыка урууда бункерыттан, сyрyн учаастактара - миэлинсэлэр, туох баар тааhы мэлийэр, сахсыйар, сыралынан тыктарар утумнара, флотация, классификатордар, пульповодтар, носуостар уларытылыннылар.
Баабырыка уота-кyyhэ, кыахтаах подстанция туруоруллан, биллэрдик тубуста. №3-дээх баабырыка, хвостохранилище тула эбийиэктэрэ, экология чааhынан ирдэбилгэ эппиэттииллэрин ситиспитэ. Баабырыка утумугар, модун скруббер-бутара уонна валковай тииптээх тааhы илдьи сынньар тэриэбэ киллэрилиннилэр.
Саамай улахан yрдэлэ диэн, бу баабырыка карьер алмаастарыттан шахта уруудатын байытыыга, бары тиhиктэри бэлэмнэппитэ буолар. №3-дээх баабырыка начальнигынан yлэлиирин тухары, 300-чэ yлэhиттээх кэллэктиипкэ, 40-ча саха дьоно баар буоларын ситиспитэ.
Клим Николаевич, «сахалар да промышленноhы баhылыыр кыахтаахтар» диэн бачыымынан, yгyс ыччаппыт эппиэттиир хамнастаннылар. Клим Иванов туруу yлэтин кэрэhиттэрэ – 2006 сыллаахха, хампаанньа «Чулуу рационализатора» аат, 2017 сылга Саха сирин Ил Дархана Е.Борисовтан «Гражданскай килбиэн» бэлиэ.
Хомойуох иhин, ханнык да уhулуччулаах киhи, yлэтэ уолдьаhар кyнэ yyнэр. Ол курдук, Клим Николаевич Иванов, бу кyннэртэн ылата - биэнсийэлээх.
Атын салайааччылар кини курдук таhаарыылаахтык yлэлиэхтэрэ дуо?
Станислав Алексеев
Мииринэй куорат