Мииринэй хайаны байытар кэмбинээтин «Интер» шахтатын уонна №3 –дээх баабырыка yлэтигэр МРТКтан каадырдарын талыталыыр. Итиннэ колледж уот ааныттан сыныйан бэлэмнэнэр.
2017 сыл от ыйыгар «Интергэ», «МИРгэ» - 32, АТМ, АЭМ, РССУ, автобаза курдук тэрилтэлэргэ - 17 ыччат быраактыкалана барда. Мииринэй региональнай-техническэй yерэх кыhата Саха сиригэр биллибитэ ыраатта.18 сыл устата ГПТУ-22 диэн аатынан тигинэччи yлэлээн баран, 90-с сыллартан ыла АНО РТК (кылгаттахха эрэгэйиэн таhымнаах техническэй колледж буолбута). Онтон бэттэх бэрт элбэх промышленноска идэтийиилээх ыччаты бэлэмнээн таhаарда.
Саха сирин ар5аа тyбэтин тилэри хабар, хайа промышленноhын тутаах идэлэригэр уhуйар кыhа буолла. МРТК, «АЛРОСАттан» бэрт элбэхтик кеме ылла. Токарнай станок туруорулунна. 2015 сыллаахха МРТК «АЛРОСАттан» бyтyн автодром бэлэх туппута. Онон тиэхиниичэскэй идэлэри сэргэ, устудьуоннар бэртээхэй автодромнаннылар.
Массыына быраабын араас категориятын баhылыыр кыах баар буолла. Саха ыччата, маннык усулуобуйалаах сиргэ кэлиэн наада этэ. МРТК, ниэп операторын, электросилиэсэр, хайа силиэсэрин, автомэхээнньик, технологическэй утум монтажнигын идэлэригэр уhуйар. Саха сирин бары муннуктарыттан эдэр ыччат кэлитэлиир. Yгyс устудьуон алмаастаах хампаанньа yлэhиттэрэ буоллулар. Сорохтор, ордук сорсуннаахтара, yрдyк хамнастаах тэрилтэлэргэ киирдилэр.
МРТКны, «электросилиэсэр», «монтажник», «хайа силиэсэрэ» идэлээх бyтэрбиттэри, МХБК «МИР», «Интер» рудниктара, «АЛРОСА-Газ», «ПТВС АЛРОСА», «Алмазтехмонтаж» тутар трест кyyтэллэр. Устудьуоннары yлэнэн хааччыйар аналлаах дуогабар баар. Бу дуогабарынан сиэттэрэн, хас биирдии бyтэрээччи бастакынан бакаансыйа ылар. Холкутук.
МРТК yрдyнэн, 2017 сыл сайынын туругунан, 890 устудьуон кyнyскy уонна кэтэхтэн салааларга бааллар. Атын улуустартан кэлбит ыччаттары олорор уопсайынан хааччыйаллар. Устудьуоннар уопсайдара, «АЛРОСА» сyрyн офиhын кытта сэргэстэhэ да турара, yгyhy кэрэhэлиир. Уопсайга киирбиттэр иккилии буолан олороллор. Эбиитин иитээччилэр баар буоланнар, манна бэрээдэги кытаанахтык кэтииллэр. Ити курдук, сылтан-сыл ахсын, МРТК «килиэптээх» идэлэригэр интэриэс улаатар.
Станислав Алексеев, Мииринэй к.
