Мииринэй куоратыгар дьиэ сыаната балачча тyстэ, Удачнайга, Айхалга yрдээтэ. 2007 сыллааха Мииринэйгэ биир хостоох 464-сиэрийэлээх «КПД» таас дьиэни балтараа, 1 млн 700 солк, икки хостоох дьиэни – 2 млн 400 тыhыынча солкуобайга батараллара.
2008 сылтан ыла, Мииринэй куоратыгар дьиэ сыаната эмискэччи аллараа «сурулаабыта». 2009 сыллаахха кыбартыыра сыаната Дьокуускай гиэниттэн, ортотунан, икки бyк чэпчэки буола сылдьыбыта. 2 млн 400 – 2 млн 600 тыh. солк. сыаналаах 9 этээстээх дьиэлэр сыаналара 1 млн.500 тыh. диэри тyспyтэ. Дьиэлэри ким да аанньа атыыласпат буола сылдьыбыта.
2009 сыллаахха Мииринэйгэ «Спальнай» микрооройуонугар баар икки хостоох «сибиэчикэтин» ( КПД. 54 кб.м) Дьокуускай биир хостоох 112-сиэрийэлээх таас дьиэтигэр( 2002 сыллаах тутуу. 38 кб.м) атастаспыт биир дойдулаахпын билэбин. Дьокуускайга олохсуйан «абыранаары», сyyйтэриилээх барыйааны талбыт. Мииринэйгэ таас дьиэ сыаната 2014 сылтан ыла маннык этэ: 21.кб. м иэннээх, биир хостоох кыбартыыра(«малосемейка». 31 кб.м) – 2 млн 300 тыhыынча, 2 хостоох «КПД» таас дьиэ – 3 млн 800 тыhыынча. Бэл, биир хостоох толору хааччыллыылаах мас дьиэ – 1 млн 800 тыhыынча солк. буолбуттара. Билигин кыбартыыра атыылаhааччы ахсаана биллэрдик аччаата.
Мииринэйтэн 70 биэрэстэ ыраах Светлэйгэ биир хостоох таас дьиэни букатын чэпчэкитик атыылаhар кыах баар. Билигин Светлэйтэн «материкка» бараары ыксаабыт дьон элбээтэ. 2017 сылтан ылата, Удачнайга дьиэ сыаната эмискэччи ыараата.
Эбиитин, нэhилиэнньэ инники элбээhинин учуоттаан( 2.000 киhи кэлиэхтээх) «АЛРОСА» 73 кыбартыыралаах дьиэ акылаатын тyhэрэн турар. Улахан хамнас ухханыгар кэлээччи элбиир. Удачнай куоратын, отут yс таас дьиэтигэр, 3, 27, 30-с дьиэлэр кыбартыыралара «бас быстар» сыаналаах гостиницалар буолбуттара ыраатта. Ааспыт сылларга «АЛРОСА» уонна «Профалмаас» идэлээхтэр профсойуустарын Кэллэктиибинэй дуогабардарыгар yлэhиттэри уонна бэтэрээннэри олорор дьиэнэн хааччыйыы боппуруоhа сытыытык турбута.
«АЛРОСА» салалтата биллэрбитинэн, олорор дьиэни тутууга уонна атыылаhыыга, биэнсийэ пуондатыгар мунньуллубут харчы суотугар уонна баан кирэдиитин табыгастаахтык тыырыы ньымата киллэриллиэ. Мииринэйгэ Ленинград бэрэспиэгэр 469 кыбартыыралаах ипотека дьиэтэ дьэндэйэн эрэр. Онтон, бастакы тyhyмэх - 197 кыбартыыралаах дьиэ тутулла турар.
«АЛРОСА» эдэр yлэhиттэригэр – бу табыгастаах суол. Алмаастаах хампаанньа эдэр yлэhиттэр кирэдииккэ ороскуоттарын толуйар буолан кинилэргэ барыыстаах.
Оттон Мииринэйтэн субу бараары, дьиэлэрин атыылыы сатыыр дьоннорго(кyн бyгyн 512 атыы биллэриитэ баар) бу маннык дьыала букатын табыгаhа суох. Дьон, «материкка» бараары ыксаан, дьиэлэрин сыанатын тyhэрэргэ кyhэллэрэ элбээтэ.
Бэйэбит кэрр.
