Балаҕан ыйын 26 кyнyгэр «Алмаастаах кyhyн» атыы-эргиэн дьаарбанкатын чэрчитинэн Мииринэй оройуонун дьаhалтатыгар, Дьокуускайтан «Новай» сопхуоска тиийэ, олохтоох бородууксуйаны онорооччулар хаhан да буолбатах төгyрyк остуоллара yлэлээтэ.
Мунньахха «Ситим» медиа генеральнай дириэктэрэ бу форум модератора – М. Христофорова, Мииринэй оройуонун кулубатын солбуйааччыта Г. Башарин, Саха сирин тыатын хасаайыстыбатын аска-уөлгэ Департаменын слайааччыта В. Афанасьев, «Мясной двор» салайааччыта А. Макаров, «Ягоды Якутии» ХЭТ дириэктэрэ А. Аржаков, «Тирэх» СПОК менеджерэ В. Барашков (Сунтаар), «Новай» сопхуос сyрyннyyр инженерэ Н. Ноттосов, уо.д.а кыттыыны ыллылар.
Бу дьыалабыай форум кэмигэр этиллибит тыллар дуораннаахтарын бэлиэтиир оруннаах.
Маннык киэн кэпсэтиини «Ситим» медиа-хампаанньа генеральнай дириэктэрэ Мария Христофорова иилээн-салайан ыытта. Кини, чуолаан, Мииринэй оройуонун, эбиитин Ленскэйи, хааччыстыбалаах бородууксуйанан хааччыйыы боппуруоhун туруорда. Фермердэрбитигэр, саха урбаанньыттарыгар ордук табыгастаах ньымаларынан сайыннарарга суоллары ыйда.
Сэргэх, тыыппалаах этиилэрдээх кэпсэтии буолла. Олохтоох бородууксуйаны Мииринэй уонна Ленскэй оройуоннарга тэнитии боппуруоhугар yгyс дьыалабыай этиилэр киирдилэр.
Стас Алексеев
Мииринэй куорат